Financial Accountant (5165)

Próifíl Róil

Teideal an Phoist: Cuntasóir Airgeadais

Rannán / Feidhm : FTO - Airgeadas

Freagrach do (teideal an phoist): Bainisteoir Airgeadais

Sruth Gairmréime: Gairmiúil

Crios Gairmréime: Gairmiúil / Speisialtóir

Cineál Poist : Buan

** Dáta deiridh d'Iarratais: Dé Máirt 28 ú Bealtaine 2024**

Achoimre ar an nGnó

Soláthraíonn Gníomhaireacht Bainistíochta an Chisteáin Náisiúnta (GBCN) seirbhísí bainistíochta sócmhainní agus dliteanais do Rialtas na hÉireann. I dtús báire ba ghníomhaireacht feidhm aonair í a bhainistigh an Fiachas Náisiúnta anois is bainisteoir í ar phunann chasta sócmhainní agus dliteanas poiblí. I measc na ngnólachtaí atá á mbainistiú ag GBCN tá iasachtaí don Státchiste agus bainistiú an Fhiachais Náisiúnta, an Ghníomhaireacht um Éilimh ar an Stát ("GÉS"), an Ghníomhaireacht Airgeadais d'Fhorbairt Náisiúnta ("GAFN"), an tÚdarás um Gheilleagar Nua agus Téarnamh ("RÉnua"), Ciste Infheistíochta Straitéisí d'Éirinn ("CISÉ") agus Ciste Eascró Éireann-Apple. Sannann GBCN baill foirne freisin don Ghníomhaireacht Náisiúnta um Bainistíocht Sócmhainní ("GNBS"), Corparáid Baincéireachta Straitéiseach na hÉireann ("CBSÉ") agus Maoiniú Teaghais-Tógála Éireann ("MTTÉ")

Achoimre ar an Ról

Soláthraíonn feidhm airgeadais GBCN réimse seirbhísí tacaíochta airgeadais agus idirbheart do gach réimse gnó laistigh de GBCN agus do ghníomhaireachtaí eile lena n-áirítear GNBS, CBSÉ agus MTTÉ. Tá Cuntasóir Airgeadais á earcú anois ag GBCN ar chonradh buan don fhoireann tuairiscithe airgeadais a bheidh freagrach don Bhainisteoir Airgeadais. An té a bheidh sa ról suimiúil agus éagsúil seo beidh sé freagrach as réimse tascanna a chur i gcrích laistigh d'fheidhm airgeadais GBCN lena n-áirítear (ach gan a bheith teoranta dó seo) tuarascálacha a chur le chéile don bhainistíocht shinsearach, comhpháirtíocht ghnó, bainistiú caidrimh le páirtithe leasmhara, athbhreithniú míosúil ar chomhardú trialach agus réitigh, agus feidhmeoidh sé mar phríomhphointe teagmhála sa phróiseas iniúchóireachta. Is deis iontach é do ghairmí airgeadais post dúshlánach a ghlacadh a thacaíonn le seachadadh seirbhíse na feidhme airgeadais thar réimse éagsúil gnólachtaí a bhíonn ag athrú.

Tá buntáistí den scoth ag baint le bheith ag obair ag GBCN, lena n-áirítear:

• Roghanna oibre hibrideacha
• Clár fairsing folláine
• Réimse éagsúil tionscnamh: LADT+, Cúrsaí Inscne, Feasacht Míchumais, Foireann Feasachta Idirnáisiúnta & Ilchultúrtha (FFII), Spóirt & Sóisialta, Obair Dheonach agus go leor eile
• Deiseanna foghlama agus forbartha den scoth trína n-éascaítear forbairt gairme iomlán laistigh den eagraíocht
• Aisíocaíocht ar tháillí bliantúla ar bhallraíocht ghairmiúil
• Scéim pinsin le sochar sainithe bunaithe ar mheán gairme

Príomhfhreagrachtaí

Tuairisciú airgeadais agus bainistíochta

• Cuntais bhainistíochta mhíosúla agus cuntais reachtúla bhliantúla a tháirgeadh mar aon le gach tuarascáil choimhdeach.
• Ullmhú athluchtaithe idirchuideachta.
• Tuairisciú rialála a ullmhú do chomhlachtaí seachtracha lena n-áirítear an Phríomh-Oifig Staidrimh agus Banc Ceannais na hÉireann.
• Réimse ráitis airgeadais bhliantúla agus eatramhacha a ullmhú faoi FRS102 agus IFRS.
• Faisnéis bhainistíochta laethúil agus mhíosúil agus PTFanna (príomhtháscairí feidhmíochta )a ullmhú.
• Na buiséid oibriúcháin bhliantúla agus na réamhaisnéisí bliantúla a ullmhú.
• Tuairisciú ad hoc lena n-áirítear freagraí ar Cheisteanna Parlaiminte agus iarrataí saorála faisnéise a ullmhú

Cánachas/Comhlíonadh

• Athbhreithniú ar iontrálacha mórleabhar ginearálta le haghaidh comhlíonadh CBL
• Cabhrú le comhordú agus le bainistiú iniúchtaí inmheánacha agus seachtracha.
• Seirbhísí tacaíochta airgeadais leanúnacha a sholáthar do réimse leathan foirne bainistíochta limistéir gnó a chuimseoidh anailís ar ghníomhaíochtaí gnó, feidhmíocht airgeadais, feidhmíocht bhuiséid agus tuairisciú ad hoc eile de réir mar is gá.
• Idirchaidreamh a dhéanamh le foirne bainistíochta limistéir gnó chun príomh-ionchuir airgeadais a bhailiú mar chuid de phróiseas dúnta dheireadh na míosa, próiseas buiséid agus próiseas réamhaisnéise.
• Cuidiú le tionscadail lena n-áirítear cur i bhfeidhm an chórais airgeadais.
• Cabhrú le doiciméadú próiseas/nósanna imeachta/rialuithe de réir mar is gá.

Taithí

• Gairmí cuntasaíochta láncháilithe le taithí roimhe seo ar ráitis airgeadais agus cuntais bhainistíochta a ullmhú.
• Is buntáiste é taithí ar sheirbhísí airgeadais nó in earnáil na baincéireachta.
• Aird mhór ar mhionsonraí
• Ardscileanna láidre cumarsáide ó bhéal agus scríofa.
• Cumas dea-chaidreamh oibre/scil mhaith idirphearsanta a chruthú.
• Cumas dul in oiriúint go tapa don ról agus an cumas oibriú mar bhall d'fhoireann a léiriú.
• Féintionscnóir a bhíonn sásta seasamh chun tosaigh chun torthaí a fháil.
• Anailíseach le scileanna maithe réitithe fadhbanna.
• Bheadh eolas ar fheidhmiúlacht ghinearálta feidhmchlár mórleabhar (go háirithe Faisnéis SunSystems) ina bhuntáiste
• Ardscileanna Microsoft Excel, le taithí i bPacáistí Microsoft eile.