Produksjonsdirektør - Infraplast AS

Infraplast er ei moderne industriverksemd med høg teknisk kompetanse og kundedriven vekst. I 2022 tok vi i bruk nye produksjonslokale i Lærdal med moderne fasilitetar og rom for vidare utvikling – og den siste tida har vi lagt til rette for vidare vekst gjennom målretta investeringar i produksjonskapasitet og eit tydeleg strategisk rammeverk. Vi har klare ambisjonar for å vekse vidare.

Vi søkjer no ein produksjonsdirektør som vil spele ei sentral rolle i vidareutviklinga av moderne og berekraftig produksjon i selskapet. 

Som produksjonsdirektør får du det overordna ansvaret for all produksjon i Infraplast – med hovudtyngd i Lærdal, og på sikt - eit ansvar for produksjonen på Follese. Du vil leie eit kompetent produksjonsmiljø, og sørgje for at vi leverer på riktig kvalitet, kapasitet, ytelse og HMS – med menneska og laget som viktigaste ressurs.

Rolla inngår i leiargruppa i Infraplast AS, og rapporterer til administrerande direktør. Du blir ein sentral bidragsytar i selskapet si vidare utvikling – både innan drift, kultur og berekraftig vekst.

Kven ser vi etter?

Vi søkjer deg som har leiarerfaring frå produksjonsverksemd, gjerne med ansvar for målstyring, HMS og kvalitetssystem. Du evnar å setje retning, ta gode grep og byggje tillit i organisasjonen. Du må vere trygg og tydeleg – og ha evna til å få folk med deg.

Vi ser gjerne at du har:

• Erfaring med leiing frå industri, produksjon og strategisk ledelse


• God kjennskap til målstyring og ytelsesmåling


• Erfaring frå ledelse av arbeid med HMS, forbetringsarbeid og kvalitetsstyring


• Erfaring med å leie skiftorganisasjonar og operative team


• God munnleg og skriftleg framstillingsevne på norsk

Det viktigaste er likevel kven du er. Vi byggjer organisasjonen vår på folk som tek ansvar, bryr seg om andre og får ting til å skje.

Sentrale ansvarsområder og arbeidsoppgåver

• Overordna ansvar for produksjonen i selskapet


• Budsjett-, resultat- og personalansvar for produksjonsavdelinga


• Vidareutvikle målstyring og optimalisering av ytelse - inkludert OEE


• Sikre godt HMS-, kvalitets- og internkontrollarbeid (ISO 9001, 14001 og 45001)


• Vidareutvikle ein sunn kultur for samarbeid, kontinuerleg forbetring og medverknad


• Representere Infraplast ovanfor kundar, samarbeidspartnarar og lokalsamfunn på ein god måte

Kva tilbyr vi?

Infraplast er inne i ei spennande utvikling med nye areal, investeringar i utstyr og eit tydeleg ambisjonsnivå. Vi tilbyr ei nøkkelrolle i ei framtidsretta industriverksemd som spelar ei viktig rolle i det grøne skiftet – mellom anna med eigne løysingar for gjenvinning og plastavfall.

Hos oss får du moglegheita til å påverke, bygge kultur, og ta mange av dei viktige med på å skape resultat som betyr noko.

Lyst til å ta ein prat om stillinga? Ta kontakt
Daniel Klakegg Dvergsdal på telefon 904 79 470 eller [email protected]
Asbjørn Grini på telefon 917 94 825 eller e-post [email protected]

Alle søknadar vert handsama fortløpande

Om Infraplast

Infraplast har produsert røyr- og plastløysingar sidan 1963, og er i dag ein av dei leiande aktørane innan ekstrudert plast til infrastruktur og industri i Noreg. Vi leverer røyr, delar og spesialløysingar til kundar over heile landet – med høge krav til kvalitet, presisjon og berekraft.

Selskapet har produksjonsanlegg i Lærdal og på Follese, og er sertifisert etter ISO 9001, 14001 og 45001. Vi har høg teknisk kompetanse, moderne produksjonsutstyr og ambisjonar om vidare vekst – blant anna gjennom styrkt satsing på gjenvinning, resirkulert plast og sirkulærøkonomi.

Medarbeidarane våre er vår viktigaste ressurs. I Infraplast skal det vere rom for å ta ansvar, utvikle seg og bidra til eit godt arbeidsmiljø – med stoltheit for faget og kunden i sentrum.

Infraplast er ein engasjert aktør i lokalsamfunnet og støttar ulike initiativ som bidreg til bulyst, tilhøyrsle og utvikling i regionen. Vi har òg eit aktivt samarbeid med organisasjonar og verksemder som jobbar med arbeidstrening og inkludering i arbeidslivet.