Pouako

Pouako o Te Kura o Ngāti Whātua ki Tāmaki

Kei ngā pou matua o te motu, e pou ana i ngā akoranga matua mō ngā uri e whanake ake nei. Kei ngā pou rarama, hei tūrama arahi e kemo ana i te pae tawhiti o ngā wawata, o ngā manako. Kei ngā pou rewa, e whakarewa ana i te taumata angitu mō te iwi. Kei ngā pou whenua, e whakawhenua ana i te tuakiri ka tika. Kei ngā pou whakairo, e ū ai ko ngā akoranga o uki, o whāioio ki roto i ngā rangatira e whanake ake nei. Nei rā te karanga, te karanga kia piri, kia tata mai koutou, ngā pouako o te motu, ki tō tātou kura, Te Kura o Ngāti Whātua ki Tāmaki. Nau mai, haere mai, tahuti mai rā.

Te kaupapa o te tūranga

Ko te mātua o te tūranga nei, he heru hāpai i tō tātou kura, Te Kura o Ngāti Whātua ki Tāmaki.

I te mea e whanake tonu ana tō tātou kura, he pou ako koe e pou ana i te marautanga ki te whatumanawa o ngā uri.

Ka mutu, ka whakaturukitia koe e ngā pūkenga, ngā wānanga nō roto tonu o Ngāti Whātua Ōrākei.

Hei whakaū i a koe ki te uho o tō tātou kura. Mātua ki te reo me ngā tikanga! Mātua ko te Ngāti Whātua Ōrākeitanga! Mātua ko te kairangitanga o ngā mahi katoa! Mātua ko te angitū o ngā uri! Mātua ko te ora o ngā pouako, o te iwi, kia whakamaua ai kia tina!

Hui ē! Tāiki e!

Ngā taipitopito o te tūranga nei

• Ngā āhuatanga whakaako: Whakawhenua i te anga marau o Ngāti Whātua ki roto i te marau o te kura tonu. Te whakatō hoki i te whakaaro, ko te akomanga te rohe ka whakaritea e te pouako mō ngā uri ahakoa kia hea tū ai.

• Kia angitu te ākonga: Mahi tahi me te uri, te whānau, te iwi, ngā kaimahi, ki te whakarite i ngā wawata, ngā manako, e eke ai ngā uri ki tua, ki ngā taumata kairangi ka tika

• Te Whānau: Te whanake i te whanaungatanga i waenga i te whānau me te kura, e rongo i te hononga marika o te whānau ki te kura, te hiranga nui hoki o te whānau ki te tupu o te kura me ngā uri.

• Te Kairangi o te reo: Ko koe te tauira o te reo kia tika, kia rere, kia Māori.

• Auahatia ngā akoranga: Me kaha tō rāpu, tō tautoko i ētahi auahatanga ako, e eke ngā akoranga, te toiora, ngā whēako o ngā uri ki taumata kē. Me whakaū tō aro nui ki te ākengokengo, to āro nui ki ngā manako o ngā uri.

• Te kotahitanga ngaiō nei: Te tuku i ō whakaaro kia kairangi te ahurea o te kura rā te kaha o te kuhu, te whanaketanga ngaiō me ngā mātirotiro.

Ngā momo ki a koe

He pouako tūturu koe. Kua rehitatia.

• Matatau ki te reo Māori, tikanga Māori, Mātauranga Māori, e āhei hoki te arahi i roto i aua horopaki ka tika.

• He pūkenga i roto i te ara reo Māori, ā te whanake i te toiora o te uri.

• E tautoko ana i te whakaaro, ko te pouako he kai tūā pā mō ngā akoranga, ka mutu, ka kapi ngā akoranga ahakoa ki hea. (Ngā akoranga o roto, o waho rānei o te akomanga)

• He pouako kaha ki te mahi tahi, e kawe nei i te ngaiōtanga ki ngā taumata tiketike.

• He tauira ka tika, e whakatauira ana i te marau me ngā akoranga o roto.

• He mōhio, he ngākau tūwhera rānei ki te Ngāti Whātua Ōrākeitanga, Ngāti Whātua Whānuitanga me ngā wawata o Ngāti Whātua Ōrākei.

• Kua rewa te hihiri kia whakaako ki te Kura Hourua, e tuku i ngā koha ki tua o te paeutu pouako, me te āheinga, ngaiō nei, ki te waihanga me te tuku i te kaupapa e tupu ai ngā uri ka tika.

• E tūwhera ana ki ngā pouako hou.

Ngā tino pūkenga / wheako

• Tohu kaiako, wheako whakaako ki te kura tuarua/wharekura

• Kua rēhitia koe e te kaunihera o ngā pouako o Aotearoa

• He wheako ki te ara reo Māori, kaupapa Māori rānei tōu.

Ngā tukanga hihira

Ka āta tirohia ngā momo e whai ake nei:

• Applicants must have the right to work in New Zealand.

• Police Vetting/Safety Checking

• Qualification Check

For questions about the position, please contact [email protected].

Applications close on 13th September 2026. We may review applications and begin interviews before the closing date, so we encourage you to apply early.