Verkoopsagent

AfriForum Dienste

Verkoopsagent

AfriForum Dienste is tans op soek na ’n verkoopsagent wat in Bloemfontein gebaseer sal wees.

Die doel van die Verkoopsverteenwoordiger is om AfriForum se produkte en dienste in Bloemfontein te bemark en te verkoop deur kliënte te werf, verkope te genereer, en langtermynverhoudings met kliënte te bou. Die pos is daarop gemik om AfriForum Dienste se verkoopsdoelwitte, soos deur die lynhoof bepaal, te bereik en volhoubare groei in die kliëntebasis te verseker. Verder sal die verkoopsverteenwoordiger in samewerking met ander AfriForum personeel en strukture verskeie projekte en veldtogte beplan, implementeer en koördineer ter ondersteuning van AfriForum Dienste se bemarking en verkoopsdoelwitte.

Die minimum kwalifikasies en ondervinding sluit in ’n Tersiêre Kwalifikasie (Graad of Diploma), asook ’n minimum van twee jaar werksondervinding in die verkoop van kommersiële produkte en dienste. Verder sal ‘n begrip van die plaaslike gemeenskap se diensbehoeftes in Bloemfontein en ‘n begrip van digitale bemarkingsplatforms soos Facebook en WhatsApp voordelig wees.

Die suksesvolle kandidaat sal verantwoordelik wees vir die volgende aspekte:

• Kliëntwerwing en -behoud vir spesifieke produkte en dienste.
• Behaling van verkoopsdoelwitte soos bepaal deur die lynhoof.
• Ontwikkeling en implementering van bemarkings- en promosie-veldtogte.
• Verseker kliënte se diens tevredenheid deur vinnige en professionele steundienste.
• Koördinering van projekte en veldtogte in samewerking met ander AfriForum-strukture.
• Doeltreffende administratiewe bestuur en rekordhouding.
• Optimalisering van begrotingsdoelwitte vir verkope, promosies, advertensies, bemarkingsveldtoge en ander verkrygingskostes.

Ons is op soek na ’n kandidaat wat betroubaar en eties is met uitstekende interne en eksterne kommunikasie-, probleemoplossing-, sowel as administratiewe en organiseringsvaardighede. Die vermoë om te motiveer en inspireer sal ook tot jou voordeel strek.

Klik hier om vir die pos aansoek te doen. Aansoeke moet voor of op 21 Februarie 2025 ingedien word.

Indien jy nie terugvoer ontvang binne drie weke ná die sluitingsdatum nie, kan jy aanvaar dat jou aansoek onsuksesvol was.