Ymchwilydd Radio Cymru

MANYLION Y SWYDD

BAND Y SWYDD : B

MATH O GYTUNDEB: Cytundeb cyfnod penodol, llawn amser tan 13/11/2026

ADRAN: BBC Radio Cymru

LLEOLIAD: Caerdydd

YSTOD CYFLOG: Ystod cyflog £24,600 - £32,500 yn ddibynnol ar sgiliau, gwybodaeth a phrofiad perthnasol. Mae’r amrediad cyflog disgwyliedig ar gyfer y swydd hon yn adlewyrchu meincnodi mewnol a gwybodaeth am y farchnad allanol.

Mae sgiliau'r Gymraeg yn hanfodol am y swydd hon.

PWRPAS Y SWYDD

Mae Radio Cymru wedi bod yn darlledu ers 1977, gyda Radio Cymru 2 yn lansio yn 2018. Rydym yn darlledu ar gyfartaledd dros 22 awr o raglenni bob dydd i dros 100,000 o wrandawyr ar draws Cymru ar byd. Mae Radio Cymru yn gwasanaethu siaradwyr Cymraeg o bob oedran a diddordeb drwy ddarparu rhaglenni cerddoriaeth, rhaglenni dogfen, rhaglenni trafod, materion cyfoes a gwleidyddiaeth, crefydd, y celfyddydau a llawer mwy.

Mae gan yr orsaf wasanaeth newyddion a chwaraeon llawn. Rydym hefyd yn darlledu o digwyddiadau o bob math fel Eisteddfod yr Urdd, Tafwyl, Y Sioe Frenhinol a’r Eisteddfod Genedlaethol. Cerddoriaeth gyfoes yw pwyslais Radio Cymru 2. Gall yr ymgeisydd llwyddiannus fod yn ymchwilydd ar amrywiaeth o raglenni ar draws Radio Cymru a Radio Cymru 2.

PAM YMUNO Â’R TÎM

Bydd yr ymgeisydd delfrydol yn berson brwdfrydig, creadigol a threfnus, ac yn angerddol dros greu cynnwys o’r safon uchaf.  Bydd yr ymgeisydd yn gweithio’n dda fel unigolyn neu fel rhan o dîm, ac yn dangos parch tuag at gydweithwyr. Bydd disgwyl ymddygiad proffesiynol o fewn y gweithle a medru addasu i ofynion golygyddol wrth weithio gyda chynhyrchydd a thim pellach.

EICH PRIF GYFRIFOLDEBAU A’CH DYLANWAD:

• Fel rhan o dîm cynhyrchu hynod greadigol, byddwch yn ymchwilio ac yn datblygu syniadau a chynnwys amrywiol, ac ar brydiau o fewn amserlen heriol.


• Byddwch yn cyfrannu at yr ymdrech ddarlledu a chyhoeddi’r cynnwys yna ar Radio Cymru neu Radio Cymru 2.


• Byddwch yn derbyn hyfforddiant stiwdio, golygu, ffilmio a phob math o brofiadau difyr i gyrraedd cynulleidfa.

MEINI PRAWF HANFODOL:

• Angerdd tuag at ymchwilio cynnwys creadigol a pharodrwydd i gyfrannu i nifer o raglenni amrywiol Radio Cymru.


• Ymwybyddiaeth o ofynion llwyfannau digidol gan gynnwys y cyfryngau cymdeithasol, a’r cyfleon allai godi i Radio Cymru a Radio Cymru 2 yn eu sgil.


• Ymwybyddiaeth o arddull wahanol Radio Cymru a Radio Cymru 2 a gwybodaeth am yr orsaf a’i rhaglenni.


• Parodrwydd i ddysgu sut i ddefnyddio systemau a gweithdrefnau darlledu newydd


• Cymraeg llafar ac ysgrifenedig derbyniol.

Os oes gennych chi rai o’r sgiliau a’r profiadau hyn, ynghyd â chryfderau trosglwyddadwy, byddem yn falch o glywed gennych chi ac rydym yn eich annog i wneud cais.