Ֆինանսական/դրամաշնորհների մասնագետ

ՔՈ ԴԵՐԸ

Որպես ֆինանսական/դրամաշնորհների մասնագետ միանալով մեր թիմին՝ դու կմասնակցես դրամաշնորհների և ֆինանսական հոսքերի վերահսկման, բյուջեների մշակման և վերանայման, ինչպես նաև հաշվետվությունների պատրաստման գործընթացներին։ Եթե դու ունես վերլուծական մտածողություն, մանրուքների նկատմամբ ուշադրություն և ցանկանում ես նպաստել ՔՈԱՖ-ի ծրագրերի ֆինանսական կայունությանը, ապա այս պաշտոնը հենց ձեզ համար է։

ՊԱՐՏԱԿԱՆՈՒԹՅՈՒՆՆԵՐ

• Աջակցել դրամաշնորհների և նվիրատվությունների ֆինանսական հոսքերի կառավարման գործընթացին, վերահսկել ծախսերը՝ ապահովելով դրանց համապատասխանությունը բյուջեին և շնորհատուի պահանջներին:


• Մասնակցել տարեկան և ծրագրային բյուջեների մշակման գործընթացին, աջակցել բյուջեների նախապատրաստման և վերանայման աշխատանքներին:


• Կազմել և վերլուծել ամսական ֆինանսական հաշվետվությունները, ինչպես նաև դրամաշնորհատուներին ներկայացվող հաշվետվությունները:


• Վերահսկել գնումների գործընթացը՝ ապահովելով համապատասխանությունը կազմակերպության և շնորհատուների պահանջներին:


• Աջակցել դրամաշնորհային պայմանագրերի վերանայման և լրացման գործընթացին:


• Ստուգել և վերանայել  Հիմնադրամի կողմից տրված դրամաշնորհների ֆինանսական հաշվետվություններն ու ներկայացնել դրանք դրամաշնորհների և բյուջեի կառավարչի հաստատմանը։


• Մասնակցել ծրագրերի ֆինանսական հաշվետվությունների վերլուծությանը և աջակցել ֆինանսական կառավարման բարելավմանը:


• Օգնել տարեկան և ծրագրային աուդիտների կազմակերպման և իրականացման գործընթացին:

ՔՈ ԹԻՄԸ

Դու կմիանաս ՔՈԱՖ-ի ֆինանսական թիմին և կաշխատես ՔՈԱՖ դրամաշնորհների և բյուջեի կառավարչի անմիջական ղեկավարության ներքո։

ԴՈՒ

Սպասելով քեզանից ավելին՝ մենք ակնկալում ենք, որ․

ԴՈՒ ՈՒՆԵՆԱՍ

Պահանջվող որակավորումներ՝

• Բարձրագույն կրթություն ֆինանսների, հաշվապահության կամ հարակից ոլորտում,


• Նվազագույնը 3-4 տարվա աշխատանքային փորձ ֆինանսների/դրամաշնորհների կառավարման ոլորտում, շահույթ չհետապնդող կազմակերպություններում փորձը կդիտվի որպես առավելություն,


• Միջազգային դոնոր կազմակերպություններից ստացված դրամաշնորհների ֆինանսական կառավարման հմտություններ (ԱՄՆ դեսպանատուն, ԱՄՆ ՄԶԳ, ԵՄ և այլն),


• MS Excel-ի գերազանց իմացություն,


• Հաշվապահական ծրագրերի իմացությունը խիստ ցանկալի է,


• Հայերենի և անգլերենի գերազանց իմացություն (գրավոր և բանավոր),


• Ֆինանսական հաշվետվությունների պատրաստման փորձ,


• Վերլուծական մտածողություն և ուշադրություն մանրուքների նկատմամբ։

Ցանկալի հմտություններ՝

• Միջազգային դոնոր կազմակերպությունների հետ աշխատանքի փորձ,


• Գնումների ընթացակարգերի իմացություն,


• Աուդիտի գործընթացների իմացություն,


• Բազմաթիվ առաջնահերթություններ կառավարելու ունակություն,


• Թիմում արդյունավետ աշխատելու հմտություններ։

ՄԵՆՔ

«Հայաստանի մանուկներ» բարեգործական հիմնադրամը (ՔՈԱՖ) բարեգործական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով: ՔՈԱՖ-ի զարգացման թիրախային ոլորտներն են կրթությունը, առողջապահությունը, երեխայի և ընտանիքի աջակցության ծառայությունները, ինչպես նաև սոցիալական և տնտեսական զարգացումը: ՔՈԱՖ-ը մեկնարկել է իր ծրագրերը 2004թ.-ին՝ սկսելով մեկ գյուղից և ընդլայնվելով դեպի 82 համայնք՝ ներդնելով ավելի քան 70 մլն ԱՄՆ դոլար՝ համայնքային ենթակառուցվածքների և զարգացման ծրագրերի մեջ, իր թիրախում ունենալով 107,000-ից ավել գյուղաբնակ շահառու:

2015թ. սկսած՝ ՔՈԱՖ-ը մշակել և իրագործում է ՍՄԱՐԹ նախաձեռնությունը: ՍՄԱՐԹ-ը կրթության միջոցով առաջխաղացում է ապահովում գյուղական աշխարհի համար, ինչի արդյունքում շահում են անհատները, հասարակությունը և միջավայրը: Որպես զարգացման օրինակելի մոդել՝ ՍՄԱՐԹ-ն այժմ տարածվում է Հայաստանի այլ մարզերում և համայնքներում:

ՔՈԱՖ ՍՄԱՐԹ առաջին կենտրոնը տեղակայված է Լոռու մարզի Դեբետ գյուղում. բացումը կայացել 2018 թ. մայիսի 27-ին։

ՄԵՆՔ ԱՌԱՋԱՐԿՈՒՄ ԵՆՔ

• Կյանք փոխող աշխատանքային փորձ,


• Աշխատանք, որը կկարևորես ու կսիրես,


• Մրցակցային աշխատավարձ,


• Մասնագիտական աճի հնարավորություններ,


• Անվճար անգլերենի դասընթացներ՝ ըստ կարիքի,


• Դրական և ստեղծագործ աշխատանքային միջավայր։

ՍՊԱՍՈՒՄ ԵՆՔ ՔԵԶ

Վերջնաժամկետը՝ 2025թ․ հունվարի 31-ի օրվա ավարտն է։

Կազմակերպությունն ամենօրյա հաճախականությամբ հետևում է հայտերին ու գնահատում դրանք, ինչի արդյունքում կազմակերպվում են ընթացիկ հարցազրույցներ։ Ուստի աշխատակցի ընտրությունը կարող է կատարվել հընթացս։